Во деловниот свет, сè поголемо значење се дава на прашањата за одржливост, општествена одговорност и добро управување. Концептот на ESG (животна средина, социјала и управување) стана клучна рамка за оценување и управување со овие прашања.
ЕСГ е збир на еколошки, социјални и управувачки прашања кои компаниите ги земаат предвид кога управуваат со нивниот бизнис, а инвеститорите кога инвестираат, во смисла на ризици, влијанија и можности што ги носат овие фактори.
Одржливото работење како крајна цел се остварува преку
EHS / ESG – EHS (Животна средина, здравје, безбедност) – Фокус на заштита на животната средина, здравје и безбедност на работното место во контекст на усогласеноста со соодветните прописи и стандарди.
GHG / ESG – GHG Емисии на стакленички гасови (Greenhouse Gas – GHG) – Важен аспект од „Е“димензијата на ESG, заради значајното влијание врз животната средина и климатските промени.
SDGs (Sustainable Development Goals – Цели за одржлив развој) ја претставуваат рамката преку која ООН има за цел да биде постигнат одржлив развој до 2030 година, а се однесуваат на широка низа на прашања, вклучувајќи сиромаштија, здравје, образование, родова еднаквост, климатски промени и други.
CSR / ESG – (Corporate Social Responsibility – Корпоративна Општествена Одговорност) – има за цел да ја промовира компанијата и нејзиното работење како одговорен и одржлив бизнис, кој постигнува позитивни социјални влијанија и добро влијае врз животната средина.
Предности на водење бизнис во согласност со критериумите за ESG
Интеграцијата на ESG принципите во деловната стратегија на компанијата носи бројни предности, а некои од нив се: Намалување на ризикот и зголемување на отпорноста, Градење доверба и углед, Подобри перформанси, Усогласеност со регулаторните барања, Пристап до инвестиции и капитал.
Сава пензиско друштво а.д. Скопје и ESG стандардите
Сава пензиско друштво ад Скопје како дел од Сава Осигурителна Групација, се залага да биде препознаено како Друштво кое е: кредибилно и општествено одговорен партнер, општествено одговорен управувач со имотот и со капиталот, одговорен и привлечен работодавач, општествено одговорно кон пошироката заедница.
При реализацијата на основните насоки Друштвото ги следи:
- целите на одржливиот развој на ООН, односно Агендата 2030, при што при донесувањето на своите одлуки се води сметка особено на следењето и постигнувањето на две цели:
- цел 3: Здравје и добро расположение – со поттикнувањето на грижата за здрав живот и општо добро расположение во сите периоди од животот;
- цел 13: Климатски промени – со донесување на мерки за борба против климатските промени и нивните последици;
- обврските, преземени на меѓународно ниво:
- UN Global Compact, којшто го сочинуваат десет начела за одговорно раководење со Друштвото од областа на човековите права, работните стандарди, климата и борбата против корупцијата;
- UN PRI, којшто со своите шест начела ги насочува инвеститорите кон одговорно постапување при донесувањето на своите инвестициски одлуки.
Одржливиот пристап значајно влијае на стекнувањето и зачувувањето на довербата на релевантните учесници и пошироката заедница.
Сава пензиско друштво а.д. Скопје, како дел од Сава Осигурителна Групација, од 2020 година го започна процесот на интеграција на ESG стандардите во секојдневното работење. Друштвото во изминатиот период го прилагоди работењето на овие стандарди со единствена цел за намалување на емисиите на јаглеродните честички кои ги произведува секојдневно.
Во изминатите четири години со цел намалување на СО2 емисии овозможивме услови и воведовме хибриден модел на работа, со воведување на работа од дома. За потребите за извршување на работните обврски во градот Скопје обезбедивме велосипеди, а воедно и го промовираме велосипедот како еколошко превозно средство со кое не само што се намалуваат СО2 емисиите туку и се подобрува физичката активност преку велосипедската трка и тура Сава Мариово. Во насока на воведување на здрави животни навики кај нашите вработени, не само за време на работните саати, иницираме пешачење, возење велосипд или трчање и мериме колку со овие активности заштедуваме СО2. Само во изминатата година имаме испешачено повеќе од 18.000 км, со велосипед поминато повеќе од 3.500км и заштедено повеќе од 5.000 кг СО2.
Во изминатите години се грижиме и ја намалуваме прошувачката на хартија во секојдневното работење, како и редовно спроведуваме активности за рециклирање на истата. Оваа година Друштвото рециклираше околу 2.000 кг хартија.
Една од нашите карактеристики е и воведувањето на корпоративното волонтерство и учеството на вработените во процесот на помош на заедницата. Оваа година вработените одработеа повеќе од 90 часа волонтерска работа.
Сава пензиско друштво а.д. Скопје во процесот на инвестирање на средствата на Фондовите ги зема предвид ЕСГ критериуми, но инвестира согласно законската обврска за остварување на максимален принос единствено во интерес на членовите и пензионираните членови.
